लुम्बिनी प्रदेश सरकार, वन तथा वातावरण मन्त्रालय अन्तर्गतको वन निर्देशनालयअन्तर्गत रहेको डिभिजन वन कार्यालय, बाँके वन क्षेत्रको संरक्षण, व्यवस्थापन, र दिगो उपयोगका लागि स्थापित एक सरकारी निकाय हो। यस कार्यालयको मुख्य उद्देश्य बाँके जिल्लाभरिका वन क्षेत्र, वन्यजन्तु, र जैविक विविधताको संरक्षण तथा स्थानीय समुदायसँग सहकार्य गर्दै वन व्यवस्थापनमा सहभागीता सुनिश्चित गर्नु हो। यस कार्यालयले सामुदायिक वन, राष्ट्रिय वन, निजी वन, र अन्य वन कार्यक्रमहरूको प्रभावकारी कार्यान्वयन, अनुगमन तथा मूल्याङ्कन गर्दै वन क्षेत्रको दिगोपन र वातावरणीय सन्तुलन कायम राख्ने काम गर्दछ। साथै, वनजन्य उत्पादको न्यायसंगत वितरण, वन अपराध नियन्त्रण, र वन व्यवसायिकताको प्रवर्द्धन पनि यस कार्यालयका प्रमुख जिम्मेवारीहरू हुन्।